Vdes prokurori special që po hetonte rastin e vjedhjes në Thesarin e Shtetit, dyshohet se ka pësuar sulm

20:00 | 3 Mars 2021
L G

Ka vdekur sot prokuror i Prokurorisë Speciale të Kosovës, Enver Krasniqi, i cili ishte duke hetuar rastin e vjedhjes së 2.1 milionë eurove nga Thesari i Shtetit.

Lajmin për vdekjen e Krasniqit e ka konfirmuar për arbresh.info zëvendës kryeprokurori i Prokurorisë Themelore në Prishtinë, Ibrahim Berisha.

“Po, është e vërtet prokurori ka ndërruar jetë. Kështu u informova para gjysmë orë. Sipas gjitha gjasave ka pasur sulm”, u shpreh Berisha.

Ndërkohë burime të arbresh.info bëjnë të ditur se prokurori Krasniqi para përfundimit të orarit të punës deri sa kishte qëndruar në byfe me kolegët e tij kishte pësuar një sulm, që dyshohet të jetë edhe shkaku i vdekjes së tij.

Ndryshe, vjedhja e 2,1 milionë eurove ka ndodhur më 21 tetor 2020.Ditë më parë, Prokuroria Speciale njoftoi se janë bllokuar 600 mijë euro të vjedhura dhe se dy persona të dyshuar janë në paraburgim, ndërkohë që janë ngrirë 34 llogari bankare./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm